Бүгін Назарбаев Университетінің Жоғары білім беру мектебімен бірлесіп, "Samruk-Kazyna Trust" әлеуметтік жобаларды дамыту қорының қолдауымен зерттеу НӘТИЖЕЛЕРІ тұсаукесері өтті, оның мақсаты – ресурстық орталықтардың елорданың жалпы білім беретін мектептерінде инклюзивті білім беру үшін жағдай жасауға қалай ықпал ететінін анықтау болды.

Зерттеу Нұр-Сұлтан қаласындағы жалпы білім беретін мектептердің 3 ресурстық орталығының базасында жүргізілді. Назарбаев Университеті Жоғары білім беру мектебінің бір топ ғалымдары Ресурстық орталықтардың мектептерде инклюзивті білім беруді енгізу үдерісі үшін пайдалы қатынастар мен практикалардың дамуына әсерін зерттеді. Мектептің ресурстық орталықтарының проблемалары көтеріліп, олардың жұмысын жақсартуға арналған облыстар анықталды.

Осы ғылыми зерттеудің негізгі тұжырымдары ретінде келесілерді атауға болады:

• Егер мектеп әкімшілігінің мектепте инклюзивті білім беру туралы нақты түсінігі мен көзқарасы болса, ол мұғалімдер мен мектептің анағұрлым ауқымдырақ ұжымын осы көзқарасқа тарта алады.
• Ерекше қажеттіліктері бар балаларды жалпы білім беретін сыныптарға қосу қоғамдағы сан алуандықты мойындауды тәрбиелеудің тәсілі болып табылады, себебі басқа оқушылар әр түрлі қажеттіліктері бар замандастарымен жұмыс істеуді үйренеді.
• Мамандар, мұғалімдер, ата-аналар мен мектеп әкімшілігі арасындағы оқушыларды оқытуға қатысты тұрақты ынтымақтастық аспектісі ресурстық орталықтың мектептерде инклюзивті білім беруді дамытуға әсері үшін ерекше маңызға ие.
• "Жақсы бастама жасалды – инклюзивті білім берудің дәні егілді. Енді мектептердің міндеті – оның өсуін қамтамасыз ету". (д)

Инклюзивті білім беру үдерісіне ат салысқан барлық қатысушыларға – жалпы білім беретін мектеп әкімшіліктеріне, инклюзивті білім берудің Ресурстық орталықтарының үйлестірушілеріне, Білім басқармасының және ҚР БҒМ Түзету педагогикасының ұлттық ғылыми-практикалық орталығының өкілдеріне инклюзивті білім берудің осындай мәнді де маңызды мәселелерін талқылағаны және осы үдеріске белсенді қатысқаны үшін рақмет!